Chelsea-in Saints hneh hram

Premier League cham-pion Chelsea chu league table-ah 11-naah an in hlangkai ve ta! Inrinni zan khan hun tawp dawna Bra-nislav Ivanovic goal khung hmangin Sou-thampton chu 2-1 in an hneh.

St Mary's Stadium-a inkhelah Shane Long chuan minute 42-naah Saints hmahruaina goal a khung a, Blues-in si phurh sutna hun ṭha an hmuh chu striker Diego Costa-a'n uiawm takin a volley out.

Second half-ah Chel-sea-in club lian zia an chhuah a, goal khung tumin na takin an nawr. Arsenal midfielder hlui Cesc Fabregas chuan minute 75-naah an si phurh a sut; Saints keeper Fraser Forster chuan Premier League-ah minute 708 hnua a vawi khat nan goal a chhuah. Hun tawp hma chiahin defender Ivanovic chuan Willian-a corner pet chu a tauh lut a, goal dang luhna hun a awm tawh lo.

Season hmasaa Chel-sea champion nana player pawimawh Fabregas hian tun season-ah goal khung a harsat hle a, inelna hrang hrangah match 40 a khelh aṭangin goal thum a khungna chiah a ni.

Jose Mourinho an ban hnua Blues league match 11 a khelh pui tawh aṭanga la tlawm miah lo Hiddink chuan, "Southampton hian a zawnin match ruk chhung goal an chhuah tawh lo a, anni laka hnehna kan chang thei hi a lawmawm hle. Goal kan chhuah kha kan tlarhnung chet sual vang a ni a, mahse second half-a chak duhna thinlung nen kan khel kha chu a lungawi thlak hle," tiin a sawi.

Southampton mana-ger Ronald Koeman chuan, "Goal kan chhuah hmasa zawk kha shot pawh ni loin cross aṭanga lut a ni a, a hnuhnung zawk kha set-piece
aṭangin a ni bawk. Chak thei turin goal kan khung a, mahse kan venghim thei lo kha a pawi," a ti.

Chelsea manager Guus Hiddink hian Sou-thampton manager Koeman hi PSV Eindho-ven-ah a lo enkawl tawh ṭhin a, kum 1988 khan European Cup an chawi nghe nghe.