Mizoram tan Chapchar Kut hun sawn

Mizo Welfare Nagpur (MWN) chuan March 4 hian Chapchar Kut hman an tum a, hemi ni hian Mizoram leh inelna thlengtu Maharashtra an khelh dawn avangin Chapchar Kut hi March 5, Inrinniah an sawn.

MWN president Saizam-puia Sailo chuan, "Nagpur bakah khaw ṭhenawm War-dha, Amravati leh Kampee-a Mizo awmten Mizoram team tan theihtawp chhuah kan tum. Mizoram jersey 50 leh muffler 30 kan order a, kan hralh zo vek tawh," tiin Vanglaini palai a hrilh a, Mizoram jersey hi RIN RIN kutchhuak a ni.

Santosh Trophy neihna hmun tur Nagpur-ah hian Mizo 80 vel awm anga ngaih a ni a, Wardha-ah Mizo 60 bawr vel awmin Amravati leh Kampee-ah hian Mizo 15 vel awm tura ngaih a ni bawk.