Qatar Open champion Suarez Navarro

Inrinni zan khan Qatar Open hmeichhe single final khelh a ni a, Carla Suarez Navarro chuan Jelena Osta-pen-ko hnehin champion nomawi a chawi.

Doha-a inkhelah Spain nula Navarro hian set khat a hloh zet hnuah 1-6, 6-4, 6-4 in hnehna a chang a, tun kara WTA ranking chhuak thar berah chuan world number 6 dinhmun a rawn luah ang.

Hetihlai hian final-a chak lo zawk kum 18 chauha upa Ostapenko hian WTA final a vawi khat khelhna a ni a, ani pawh hi ranking chhuak tharah chuan top 50-ah a inhlangkai ve bawk dawn a ni.

Champion Navarro chuan, "Ostapenko khan a khel ṭha hle a, set khatnnaah khan mi ti hawihai hle. Mahse ka theihtawp ka chhuah a, ka tlan tamin tihsual nei lo turin ka fimkhur bawk, a tawpah chuan ka vanneih phah ta a ni," tiin a sawi.

Kumin Qatar Open-ah hian world number 1 Serena Williams chu dam lohna vangin a inlan lo a, world number 2 Angelique Kerber leh number 3 Simona Halep te pawh an match hmasa berah a chak lo nghal a ni.