Roger Federer a dam

Grand Slam vawi 17 champion tawh Roger Federer chu January thla tawp lam khan a khup zai a ni a, thla khat chhung a inkhelh theih loh hnuah tennis a khel thei leh
ṭan tawh. April 10-17 a khelh tur ATP World Tour Masters, Monte Carlo-ah inlan a tum a ni.

Swiss thiampuipa Fe-derer hi Australian Open semifinal-a Novak Djokovic a hneh loh hnuah a la inkhel leh lo.

Kum 34-a upa Federer chuan, "Ka team-te nen kan sawi khawm hnuah Monte-Carlo Rolex Masters a inlan chu kan ti tlu ta a ni. Ka khup kan enkawlna a ṭha zel a, court-ah leh gym-ah ṭha takin ka inbuatsaih leh thei tawh e," tiin a sawi.

Kum 2005 khan Federer hi ke na vangin kar ruk chhung a lo inkhel thei lo tawh bawk a, kum 2008 khan hnungzâng na vangin a lo buai tawh bawk.