Lampard hmalam hun a chiang lo

Chelsea leh England mid-fielder hlui Frank Lampard-a'n MLS season tawp hunah kum 38 a tling dawn a, a hma-lam hun tur a tichiang thei lo.

New York City veteran Lampard chuan, "Kumin hi player anga ka hun tawp a nih leh nih loh ka la chiang thei lo a, chutihrualin ka hun tawp erawh inchhirna tura hman ka tum lo," tiin a sawi.

Chelsea midfielder hlui hi inhliam vangin a inlan tam thei lo a, hei hi Lampard-a rilru tibuaitu a ni. Kum 37-a upa Lampard chuan, "Eng-mah hlawhtlinna chang loa kan rama let leh hi ka duh lo. Tunah chuan ka inhliam avang hian training-naah hian tun hma angin ka theihna zawng zawng ka chhuah thei lo a, mah se theihtawp ka chhuah chhunzawm zel ang. Helai hmunah hian chawlh hmangin ka awm lo a, club thar ni chungin kar tinin mipui 30,000 an pungkhawm a, kan thawk ṭha thaw khat viauin ka hria," tiin theihtawp chhuah
ṭhin player a nih thu a sawi.

Lampard hian Chelsea zawha a career a tihtawp loh chhanah a theihna la neih chu chawlhsan mai atana uiawm a nih vanga a ngaih thu a sawi bawk.