Bayern-in champion an hnaih

Bayern Munich chuan a zawna a vawi li nana Bundesliga champion nomawi chawi turin an dinhmun an siam ṭha leh tawh hle. Inrinni zan khan Wolfsburg chu 2-0 a hnehin league-ah point 62 hmuin Borussia Dortmund lakah point 11 zetin hma an hruai fal leh rih.

Champions League khel chau Bayern hian goal an khung mai bik lo a, an inkhel a dulin Juventus nen 2-2 a an inhnehtawk khan nghawng a nei tih a lang. Mahse, minute 66-naah Kingsley Coman chuan goal hmahruai a khung a, minute 74-naah Robert Lewandowski chuan an goal hnihna a khung zui bawk.

Poland international Le-wan-dowski hian tun season Bundegliga khelh mekah goal 23 a khung tling ta chiah. Nikum September thlaa Wolfsburg nen an inkhelh ṭum khan minute kaw chhungin goal nga a lo khung tawh nghe nghe a ni.

Bayern manager Pep Guar-diola chuan, "Juventus nen game hautak tak kan khelh zawh hnu ni li emaw leka Wolfsburg hmachhawn zui hi thil awlsam a ni lo. Ka naute thawhrah liau liau a ni e, nitinin hmalam kan pan zel a, he hian mi ti hlim ṭhin," tiin an result-a a lungawi thu a sawi.

German champion nilai Bayern hian kum 1965 hnu lamah an club din champha February 27 hian competitive match vawi kua an khel tawh a, hengah te hian hnehna an la chang thei vek a ni.

Inkhel dangah Bayern striker hlui Claudio Pizarro chuan Werder Bremen tan goal a khung ve leh a, table mawng lama talbuai mek Darmstadt nen 2-2 in an inhnehtawk.

Kum 37-a upa Pizarro hian Bundesliga-ah goal 183 a khungna chiah a ni a, German league-ah hian ani aia goal khung tam pali chiah an awm tawh a ni.