India-in Pakistan an hneh

Inrinni zan khan khawvela ram inhal ber pawl India leh Pakistan-te chuan Asia Cup an khel a, tun hnaia Twenty20 inelnaa record nei ṭha tak India chuan wicket ngain hnehna an chang.

Shere Bangla Natio-nal Stadium, Dhaka khaw-puia inkhelah hian Pakistan-in over 17.3 chhungin run 83 chiah an siam a, an vaiin an out vek.

India-in over 15.3-ah an target an umpha a, run 85 vaw chhuakin mi panga chiah an hloh a, inkhel boruak sang takah Indian-in hnehna an chang.

Pakistan batsman-te'n Indian bowler an chai hleithei lo a, Hardik Pandya chuan over 3.3-a vawmah run riat lek pein wicket thum a la a, kum 22-a upa fast bowler hi Pakistan batsman-te tan mangchhia a ni.

Indian bowler zingah Ravindra Jadeja a che ṭha bawk a, over 3-a vawmah run 11 chiah pein wicket hnih a la thei.

Bowler-te chet ṭhat zanah Indian batsman-te beisei angin che ṭha tawk lo mah se Virat Kohli-a'n India a chhanhim a, ball 51 a hmachhawnah run 49 vaw chhuakin hmun himah India a hlangkai.

India hian an match hmasa berah a thlengtu Bangladesh an hneh tawh a, naktuk zan dar 7:00 khian Sri Lanka an hmachhawn leh ang.