Dubai-ah Wawrinka a hlawhtling

Inrinni zan khan world number 4 Stan Wawrinka chuan world number 8 pawh lo ni tawh Marcos Bagh-datis hnehin Dubai Tennis Championship title a la.

Swiss thiampuipa hian darkar khat leh minute 54 chhungin 6-4, 7-6 in hnehna a chang a, kumina title pahnih a lakna niin tennis a khelh hun chhunga title 13 a lakna chiah a ni bawk.

Dubai-ah hian Waw-rinka hi a vannei a, cham-pion lai Novak Djokovic chu quarterfinal-ah mit (eye) na vangin a inkhel tluan thei lo a, semifinal-a a hmachawn Nick Kyr-gios chu set hnihna an khelh laiin hnungzâng na vangin a inkhel tluan thei lo bawk.

Wawrinka hian ATP Ranking-ah point 500 a hmuh belh bakah $511,750 (Rs 3,52,08,374.41) a dawng bawk a ni.

Champion hlim Wawrinka chuan, "Mar-cos hi player ṭha tak a ni a, ani hmachhawn hi chu a awlsam lo. ka tan chuan chawlhkar duhawm tak a ni a, ka inkhel leh ka rilru puthmang zawng zawng a fuh vek ni ber mai. Ka hlim tak zet," tiin a sawi.