Srikanth leh Lakshya an chak lo

Badminton inelna French Open Super 750 tournament khelh laiah Kidambi Srikanth leh Lakshya Sen te chu an match hmasa berah hneh nei loin an zinkawng a tawp nghal.

Glaz Arena-a inkhelah Srikanth hian Toma Junior Popov a hneh lo, minute 44 an inkhelh hnuin 17-21 15-21 in a chak lo a, season a hman ṭhat lohna aṭangin a harh chhuak thei lo - a tan kum duhawm lo a ni chhunzawm zel.

Inkhel dangah pawh Lakshya a chak lo. Junior huanga a lo hmachhawn tawh ṭhin Arnaud Merkle nen minute 55 an inkhelh hnuin 15-21 18-21 in a chak lo zawkah a ṭang.