Last 16-ah Murray a tla

Tennis inelna Swiss Indoors khelh laiah Andy Murray chu last 16 paltlang zo loin a tla. Nilaini zan inkhelah Murray hian a khingpui Tomas Martin Etcheverry chu 6-7 (5-7), 6-3, 6-2 in a ngam lo.

Player pahnih an inkhel tawk takzet, set hmasa ber chauh hi darkar khat leh minute 16 an khel a, set thum an khelh zawh meuh chuan darkar thum a lo chuang hman, a tawpah Etcheverry a chungnung ta zawk a ni.

World number 1 hlui Murray hian hun rei tak chhung hliam a tawrh hnuah pawh a chawl mai lo a, harsatna hrang hrang karah a la inkhel chhunzawm zel. World number 40 ni mekin a ranking pawh a sang lo, mahse season tharah pawh kan la hmuh chhunzawm ngei a rinawm.

Basel khawpui lama Murray a chak loh lai hian Vienna lamah pawh Cameron Norrie a chak lo. Britain tlangval hian seeded pangana Alexander Zverev chu 6-2, 6-4 a hneh loin second round-ah a zinkawng a tawp ve nghal bawk.