J&K lakah Mizoram tlawm

Mizoram cricket team chuan Syed Mushtaq Ali Trophy khelh laiah Jammu and Kashmir chu run sarih (7) in an hneh lo. Mizoram hian vawiin chawhma dar 9:00 hian an match hnuhnung atan Mumbai an hmchhawn chhunzawm leh nghal ang.

Nilaini tlai Sawai Mansingh Stadium, Jaipur-a inkhelah J&K hi ṭhum vawrah vannei zawkin vuak hmasak an thlang. Over 20 chhungin run 153 an siam a, mi pali an inhloh. G. Lalbiakvela leh Lalhruaimawia Ralte te chuan wicket khat ve ve an la.

Mizoram lam vuak hun a thleng a, target hi sang pangngai tak ni mah se um phak turin theihna an nei. Mahse, Over 20 chhungin run 146 bak an tlin thei ta lo a, mi pariat inhloh chungin a chak lo zawk an ni.