Murray-a'n Olympic title lak a duh

Olympic mipa tennis single champion lai Andy Murray chuan Rio-ah Britain tan gold medal lak leh ngei a duh thu a sawi.

World number 2 Murray hian 2012 London Olympic-ah khan All-England Club-ah Roger Federer hnehin gold medal a lo la tawh a ni.

Kum 28-a upa Murray chuan, "Grand Slam tournament zawng zawng khelh ka duh a, Davis Cup-a inlan ka duh bawk. Mahse, Olympic hi chu ka dah san em avangin ka inlan lo phal chuang lo ang. He infiamna kutpui liana gold medal lak hi chu a namai loin a hlu bik a ni," tiin a sawi.

Britain number 1 Murray hi khawvela tennis player ṭha berte zinga mi ni mah se Novak Djokovic a tluk rih lo a, January thla tawp khan Australian Open final-ah a lo hneh lo tawh bawk.

Murray hian kumina major tournament khelh hmabak la awm French Open, Wimbledon leh US Open-ah te hlawhtlinna chan vek a duh thu a sawi bawk a ni.