Greek Super League champion Olympiakos

Olympiakos chuan Pathianni zan khan Veria chu 1-0 a hnehin Greek Super League champion an ni ta a, match ruk khelh tur la awm chungin a vawi 43 nan GSL nomawi an chawi a ni.

Greek Super League-a pa-hnih--na ni mek AEK Athens chuan Olympiakos hi point 21-in an phak lo mek a, match sarih chiah khelh tur an neih tawh avang leh head-to-head a an record a chhiat bawk avangin Olympia-kos hi an umpha thei tawh lo.

Olympiakos hian season ruk chhung league title a zawnin an chawi tawh a, season 20 liamta chhung khan vawi 18 lai an champion bawk.

Greek club coach Marco Silva-a'n a season hmasa berah nomawi a chawi nghal a, league match 24 an khelh tawhah a naute hi vawi 22 hnehna chanpuiin vawi khat an khingpuite an in-hneh-tawkpui a, vawi khat a tlawm zawkah an ṭang bawk a ni.