Dan theih loh Stephen Curry

Stephen Curry-a'n a khelh ṭhat a chhawm nung zel a, Golden State Warriors chuan Okla-homa City 121-118 a an hneh theih nan a thawhhlawk hle.

Pathiannia NBA in-khelah point guard Curry hian point 46 a score leh a, three points vawi 12 ngawt a score a, match khata three points vawi 12 score thei Donyell Marshall leh Kobe Bryant-te record a nih rual chiah a ni.

MVB Curry hian tun season-ah three point vawi 286 zet a vawm lut tawh a, tun hmaa ama record lo siam tawh sa chu a khum chiah.

Warriors hian tun season-ah match 58 an khelh tawh aṭangin vawi 53 ngawt hnehna an chang tawh a, match 24 khelh hmabak an la nei.

Kum 27-a upa Curry chuan, "Inrintawkna ka nei sang a, kan inkhelh apiang hian chak duhna thinlung kan nei ṭhin hi kan chakna chhan chu a ni," tiin a sawi.

American fachuam Curry hian tun season-ah match khat chhungin vawi thum ngawt point 50 chuang a lo score tawh nghe nghe.