Borussia Dortmund-in Bayern Munich an um zel

Pathianni zan khan Borussia Dortmund chuan Hoffenheim 3-1 in an hneh a, Bundesliga season kal mekah hmahruaitu Bayern Munich an um vel zel a, an inkarah point riat a la awm.

Signal Iduna Park-a inkhelah Dortmund manager Thomas Tuchel-a'n damkawr captain Mats Hummels leh Lukasz Piszczek te chhhawr thei mah se beisei angin inkhel an thunun lo a, Hoffenheim midfielder Sebastian Rudy chuan minute 25-naah goal hmahruai a khung a, goal hmahruai khungtu Rudy hian a kum 26 pianchamphaah goal khung mah se darkar khat an inkhelh tlin hmain hnawhchhuah a ni.

Dortmund tan Henrikh Mkhitar-yan chuan hun tawp hma minute 10 chauh a awm tawh tihah an si phruh a sut a, Adrian Ramos leh Pierre-Emerick Aubameyang ten an chhunzawm bawk. A zawnin a an khelmualah match ruk chhung hnehna an chang ta a ni.

Goal hnuhung ber khungtu Gabon forward Aubameyang hian tun season Bundesliga-ah goal 21 a khung tawh a, an khelmualah bik match 10 a khelh aṭangin goal a khung vek.