Zaninah India leh Sri Lanka

Asia Cup khelh meka che ṭha tak India chuan zanin dar 7:00 hian Sri Lanka chu Shere Bangla National Stadium, Dhaka-ah an hmachhawn dawn.

India hian Asia Cup khelh ṭan a nih hmain Twenty20 series-ah Sri Lanka hi 2-1 in an lo hneh tawh a, Sri Lanka tan zanin hi phuba lakna remchang a ni ang.

Asia Cup khelh mekah Sri Lanka hian match hmasa berah team chhe zawk UAE hneh mah se match hnihnaah a thlengtu Bangladesh an hneh lo. India erawh Bangladesh leh Pakistan hmachhawn tawhin hnehna an chang ve ve thung a ni.