Inlungrualna hi kan chakna - Ranieri

Leicester City mana-ger Claudio Ranieri chuan an team inlungruana chu tun thlenga Premier League hmahruaitu an nih theihna chhan niin a sawi a, zanin dar 1:15-a West Brom an mikhual hunah pawh beiseina an neih san thu a sawi bawk.

Inrinni zan khan Lei-cester hian hun tawp dawna Leonardo Ulloa goal khung hmangin Norwich City an hneh a, point 56 hmu-in Tottenham aiin point hnihin an la sang zel.

Italian manager Ra-nieri chuan, "Mimal tin hi kan hlim em em a, nuam kan tiin kan in-pum-khat tlat. Player zawng zawngin inkhelh an duh a, mahse vawi khatah 11 bak a luh theih loh avangin hmun an inchan lo. Heti chung hian khelh-na hmun changlo te pawhin lungawi takin an
ṭhiante inkhel an en a. Kan lungrualna hi tun dinhmun min hruaithlengtu chu a ni," a ti.

Tun season-ah Foxes hian an khelmual hi an hmang thiam hle a, league match vawi 16 an khelh tawh aṭangin vawi khat chiah chak loh an nei. Mahse, an mikhual tur West Brom pawh an nep bik lo. Lei-cester khelmuala an zin hnuhnung vawi rukah an tlawm miah lo a, team pahnihte an inhlau lo tawn dawn tih a chiang.

Norwich vs Chelsea

Champion lai Chel-sea-in season bul ṭan fuh lo mahse manager lailawk Guus Hiddink hnuaiah harhtharna an chang a, table-ah pawh 11-na dinhmun an luah leh tawh; zanin dar 1:15-a Norwich City khel tura an feh chhuah hunah pawh chak zawk tura rinkai an ni leh tawh.

Boruak ṭha Blues hian Southampton an hneh ṭuma malpui na vanga lakchhuah Pedro an la chhawr thei dawn lo a, captain John Terry dinhmun a chiang lo a, mahse England defender hi a lo let beisei a ni.

Dutch manager Hid-dink chuan, "Norwich kan hmachhawn ang a, Stoke City leh Paris Saint-Germain kan khelh zui dawn bawk avangin a hautak dawn hle. Player thlan dan thiam a ṭul dawn a, hun pawimawha che fuh tur chuan thutlukna siam dik a ngaih avangin kan fimkhur hle ang," tiin a sawi.

Zanin vek hian Ever-ton chu table mawng-phaha awm Aston Villa khel--mualah an zin ang a, Sun-derland leh Crystal Palace te an inkhel bawk ang.