Silly Point: The GOOD THE BAD THE UGLY

The Good

Hamara Desh lam pawh ni li chawlh lailawk an neih hnuin, nimin lamah practice session Lucknow lamah an nei leh ta a. Tun dinhmuna champion tura rinkai ber hian, tun hnai kum 2,3 chhoa ICC tournament-a an hri vei, a hmawrbawk dawna tawlhthluk khut an chin ṭhina hi, mi tam zawk hlauhthawnna a ni deuh ber a. Khelmual chhunga an khawsak danah erawh lung an la tiawi viau hrih e. Naktuk lamah beisei pha lo champion lai England nen Lucknow-a Ekana Stadium-ah an han intum leh ang a, an chak leh chuan semifinal ticket book-na a ni tawh ang.

South Africa , New Zealand leh Australia te semifinal lut tura beisei ber zinga mi an la ni reng a. Vawiin lam chawhmaa Dharamshala-a Ocenia Derby Australia leh New Zealand inkhel tur hi tun kartawp mipui nghahlelh a ni chiang hle a. Australia bik tan chak loh a thiang lo a ni tawp mai a ni.

The Bad

Champion lai England-in beisei an pha lo tawp a. An nomawi an huhim thei dawn ta loin a lang ber a. An squad thlan danah Indian Sub continent atan chuan a ṭha ber an thlang chhuak lo emaw tih mai tur an ni. An thiampuipa Ben Stokes a mawng tihrawl inhliam lah an pem neihsaa chi phul belh sak ang mai a ni .

Thlengtu branch ang chiaha ngaih theih Pakistan leh Bangladesh-in cricket khawvel beisei an pha lo hle bawk a. Semifinal invawkai tur chuan an inkhelh hmabakah hnehna chan vek bakah, midang inkhelh result-ah an innghah a ngaih tawh hmel.

The Ugly

Thlengtu branch ang thoa ngaih leh theih, mah se cricket khawvelin beisei a neih san êm êm loh, Sri Lanka leh Afghanistan erawh lum leh vawta an khawsak avang chiah hian tun World Cup tihmuhnawmtu an ni ta a. Surprise Result min hlui zeuh zeuh bakah semifinal thlenga invawkai thei dinhmunah an awm ta tlat mai lai hi tun World Cup nawm vena a ni ta thung.

World Cup group stage rei leh inkhel tam ber ṭumah, cricket tui mite tan mit a la tlai zel e.