Wolfsburg tan Schurrle a langsar

Thawhlehni zan Bundesliga inkhelah Chelsea player hlui Andre Schurrle a langsar a, Wolfsburg tan goal thum khungin Hannover lakah 4-0 in hnehna a chanpui.

Germany forward Schurrle hian Bundes-liga-a a vawi khat nan hat-trick a siam a, ani bakah hian Julian Draxler chuan goal khat a khung ve bawk.

Chak lo Hannover dinhmun a chhe zual zel a, tun hnai an league match khelh hnuhnung vawi 10 aṭangin vawi kua ngawt an tlawm a, point 17 hmuin table mawngpahah an awm nghet rih hle.

Hetihlai hian Wolfs-burg erawhin Europa League khelh theih an la inbeisei thei thung a, pariatna dinhmun luah-in parukna Bayern Leverkusen nen point hnih chiahin an inthlau mek a ni.

Inkhel dangah Ingol-stadt leh Cologne te chu Audi-Sportpark-ah 1-1 in an inhnehtawk a, season tir lamah khan team pa-hnihte hi 1-1 bawkin an lo inhnehtawk tawh bawk.