Indian shuttler chak

Kidambi Srikanth leh Parupalli Kashyap te chuan German Grand Prix Gold-a an match hmasa berah hnehna an chang nghal.

Thawhlehni zana in-khelah seeded parukna Srikanth hian darkar khat chungin Japan shuttler Ta-kuma Ueda lakah 12-21, 21-18, 21-11 in hnehna a chang. World number 9 Srikanth hian January thla khan Syed Modi Grand Prix Gold-ah hlawhtlinna a lo chang tawh.

Inkhel dangah hliam vanga thla khat zet a inkhelh theih loh hnua a match hmasa ber-ah Kashyap chuan Uk-raine shuttler Artem Pochtarev chu 21-9, 21-9 in a hneh. Seeded 11-na Kashyap hian second round-ah Joshua Magee a hmachhawn leh dawn a ni.

Indian shuttler dang Sameer Verma pawhin Dmytro Zavadsky lakah 21-9, 21-8 a hnehna a chan laiin Kaushal Dharmamer erawhin chak ni hmel a hmu ve lo a, seeded 14-na Marc Zwiebler lakah 21-4, 21-14 in a tlawm a ni.