Maha-rashtra-in Railways an hneh

Santosh Trophy vawi 70-naah Maharash-tra-in nimin khan Railways 3-0 in an hneh a, Group A hmahruaitu an ni.

Maharashtra hian an match hmasa berah substitute Shrikant Vee-ramallu leh Syed Shoaib te goal hmangin Jammu & Kashmir an lo hneh tawh a, nimina Railways an sawp leh takah chuan semifinal lut turin an dinhmun a ṭha hle.

Inkhel dangah Services-in Jammu & Kashmir chu 1-0 in an hneh a, champion lai hian Zirtawpni hian Railways an hmachhawn ang.

Group A hi Mizoram awmna group a ni a, 2014 champion hian an match hmasa bera Railways an draw avangin Zirtawpnia Maharashtra an khelh huna point thum an hlawh chhuak lo a nih chuan semifinal thlen a harsa ṭalh tawh ang.

Final round-ah hian team 10 chiah an tel pha a, group pahnihah panga ve vea ṭhen darh an ni. Group khat aṭangin team pahnihin semifinal an lut dawn a, point inang an awm a nih chuan goal difference en tur a ni.

Punjab inlan hun

Vawiin hian Group B team-te a vawi hnih nan an inlan dawn a, 2015 finalist Punjab a vawi khat nan an inlan dawn a, an hmachhawn tur chu West Bengal a ni. Inkhel dangah Goa leh Assam te an inkhel dawn a, North East aiawh Assam hian an match hmasa bera goal thum lawih an chhuah avangin Goa lakah hian point an hlawhchhuah theih a rinawm loh.