New Zealand captain hlui a thi

Cricket khawvela bats-man ropui zinga mi New Zealand captain hlui Martin Crowe chu nimin khan cancer natna avangin a thi.

Black Caps batsman hi kum 2012 khan a cancer natna chu a dam tawh nia puan a ni a, mahse September 2014 khan a natna ngai vek hian a man leh thu puan niin a thih lai hian kum 53-a upa a ni.

New Zealand batsman ropui ber pawla sawi ni
ṭhin Crowe hian Test match 77 a khelhah run 5,444 a siam a, vawi 17 lai century a vaw chhuak thei.

Kum 1985-a Wisden Cricketers of the Year-a thlan Crowe hian kum 1991 khan Sri Lanka lakah run 299 a vaw chhuak a, test match-a run a siam hnem ber a ni.

ODI match 143 a khelh-ah run 4704 a vaw chhuak a, century vawi li siamin half century vawi 34 a vaw chhuak a, run a siam hnem ber ṭumin run 107 a vaw chhuak.

Kum 1992 World Cup khan player of the tournament-ah thlan a ni a, match kua a inlanah run 456 a siam thei a ni.