French Open a hautak dawn - Mirza

Indian tennis star Sania Mirza chuan kum-ina Grand Slam inelna pahnihna tur French Open chu a hautak hle dawna a hriat thu a sawi.

Mirza leh a ṭanpui Martina Hingis-te hian a zawnin Grand Slam title pathum, Wimbledon, US Open leh Australian Open champion nomawi an chawi thei a, May thla a khelh tur French Opne-ah an champion leh a nih chuan major title pali an kawl khawm vek dawn a ni.

Kum 29-a upa Mirza chuan, "Khel ṭha tluang viau mah ila French Open hi chu Clay Court-a khelh tur a nih avangin he hmun hi Hingis nen kan khelh thiam berna hmun a ni lo a, hmun dang ai chuan kan tan a harsain a hautak dawn a ni," a ti.

Indo-Swiss pair hian a zawnin match 41 chhung hnehna an chang thei a, mahse kar hmasa khan Qatar Open-ah Russian duo Elena Vesnina leh Daria Kasatkina-te chuan an chak tluang lai hi an tihtawp sak a ni.