Chawimawina dawng tur zingah World number 1 Djokovic

April 18 khian Ger-many khawpui Berlin-ah 2016 Laureus World Sportsman of the Year award chu sem a ni dawn a, lawmman dawng thei tur zingah world number 1 Novak Djokovic hming telh a ni.

Lawmman dawng thei tura chhawp chhuah hi an langsar hlawm hle a, kum 2012 leh 2015-a chawimawina lo dawng tawhtu Usain Bolt (athle-tics) bakah Stephen Curry (basketball), Lewis Ha-mil-ton (motor racing), Lio-nel Messi (football) leh Jordan Spieth (golf) te an ni.

Djokovic hian nikum khan kum duhawm tak a hmang a, title 11 lain heng zingah hian Grand Slam title pathum a tel nghe nghe, match 88 a khelh aṭangin vawi ruk chiah chak loh a nei.

Kumin bikah pawh Serbian thiampuipa hian match 15 khel leh tawhin vawi 14 hnehna a chang thei a, kar hmasa khan Dubai-ah a career-a match 700 chak ni hmel hmuin mel lung pawimawh a lo phun tawh nghe nghe.

Tun dinhmunah Djo-kovic hi a mit(eye) na vangin a inkhel thei lo mek a, mahse kar tawpa Serbia leh Kazakhstan ten Davis Cup an khelh turah chuan ram aiawha a inlan theih ngei a beisei a ni.