AIFF U19-in Crystal Palace an hneh

AIFF Academy chuan 2016 IFA Shield U19 semifinal-ah Premier League club Crystal Palace U19 hnehin final an lut. Kolkata-a inkhelah hian hun pangngaiah 2-2 in an inhnektawk a, penalty shootout-ah AIFF Academy 6-5 in an chak.

Nilaini tlai inkhelah AIFF Academy-in inkhel bul an ṭan ṭha a, minute 21-na leka Prosenjit Chakraborty penalty hlawhchhuah chu Bodo Baoringdao-a'n a khung a, first half tawp hma hretin right winger Prosenjit-a'n a khung belh leh bawk.

Second half-ah Palace-in set piece an hmang ṭangkai a, minute 52-naah Francis Baptiste-a'n freekick aṭangin a khung a, minute 80-naah Kian Flanagan-a'n corner aṭangin a tauh goal bawk. English club rawltharten an lenna an hmang ṭangkai hle.

Extra time-ah goal a lut lo a, penalty shootout-ah AIFF Academy pet hmasain Jerry Lalrinzuala'n vawi hnihnaah a pet lut a, substitute Edmund Lalrindika'n chakna goal khung theihna turah a hlah thung.

Penalty-ah hian AIFF Academy an vannei a, final-ah nimin tlaia inkhel Tata Football Academy leh Frenz United chak zawk an hmachhawn ang.