Ticket manah Britain PM a ṭawng chhuak

Britain prime minister David Cameron chuan tun hnaia Premier League club-te ticket man tih to chungchangah ṭawngkam a nei ve ta a, football match ticket-te chu mipui nawlpui thleng phak a nih tur thu a sawi.

David Cameron chuan ticket man to vanga buaina awm chu sawi chhuakin club leh fans intelkhawm pawlte chu inrawn tawn fo a pawi-mawh thu a sawi chhuak.

Prime minister Came-ron chuan, "Premier League-ah sum tam tak a luang lut dawn a, heng hlawhtlinna zawng zawng hi fan-te inpekna leh sum sen tlingkhawm vang a ni tih hi club-in a hre reng tur a ni," a ti.

Season thar aṭanga chuan Premier League club-te hian kum thum chhung atana pound tluklehdingawn 5.1 hu TV deal aṭangin sum tam tak an hmuh belh dawn a, rampawn lam TV deal nen chuan sum hi pound tluklehdingawn 8-a kai-sang thei tura beisei a ni.

Football Supporters' Federation (FSF) chuan fan-te hmakhua ngaia an ram prime minister meuh a ṭawng chhuak hi an lawmthu an sawi.