Mizoramin medal 14 la tawh

National Level North East Games-ah Mizoramin medal a lak belh zel a, nimin tlai thleng khan inelna hrang hrangah gold paruk an la tawh a ni.

NE Games-ah hian Mizoram chuan infiammi 138 a tir a, hmeichhe hoc-key team chuan semifinal-ah Assam 6-0 a sawpin final an lut a, vawiin hian inelna thlengtu Manipur nen an inkhel ang.

Football-ah hmeichhe team-in Meghalaya hneh loin group stage an paltlang lo a, mipa team-in vawiin hian Tripura nen semifinal an khel thung ang. Mizoram hian group stage-ah Arunachal Pradesh 2-0 in an hneh a, Manipur nen inhnehtawk lehin group hmahruaitu an ni.

NE Games-a Mizoram dinhmun

Athletics

Vanlalpeka 1500m Gold & 800m Silver

Shotput

Ramengmawii Sailo Gold

Judo

Jonathan Rozarliana Gold 52kg

Lalhumhimi Gold 52kg

Zonunsangi Gold 44kg

P. Lalchamliana Silver +90kg

Lalthazuali Silver +70kg

Lalnilawmawmi Silver 48kg

Lallawmzuali Silver 70kg

ZD Lalnuntluangi Silver 63kg

Zomuansanga Bronze 46kg

Weightlifting

Jeremy Lalrinnunga Gold 50kg

Lalropeki Silver 48kg