Mohun Bagan coach hremna khinglet dawn

Mohun Bagan chuan AIFF-in nuai 10 chawi tur leh match riat chhung a team kaihruai thei lo tura an hrem an coach Sanjoy Sen hremna chu ngaihtuah ṭhat turin an khinglet dawn.

Kum 55-a upa coach hian AFC Champions League khelh tur an neih avanga an league match khelh hun sawn an dilna AIFF-in an pawmsak loh avangin Indian FA hi na takin a sawisel a, hremna hi a tawrh phah.

Mohun Bagan hruai-tute zinga mi a hming tarlan loh chuan, "AIFF thuchhuak hian min bara-khaih takzet a, hetiang ang hremna nasa hi kan coach chungah AIFF hian an lek ang tih kan ngaihtuah pha lo. Sanjoy Sen hremna hi kan khinglet ngei dawn a, kan coach hi a inlan a
ṭul a nih pawhin tih tur ṭul apiang chu kan ti mai ang," tiin AIFF thutlukna chu an pawm loh thu a sawi.

AIFF-in tun hi Kol-kata club an hrem vawi khatna a ni lo. Kum 2012 khan Mohun Bagan hian East Bengal nen Kolkata Derby an khelh ṭumin inkhelh laklawh laiin fans ṭhenkhatin halmawi an vawm luh avangin khel-mual an chhuahsan a, AIFF chuan vaibelchhe hnih chawi turin an lo hrem tawh a ni.