Europe-a coach ni rei ber Ronnie McFall a bang

Europe khawmualpuia coach nilai zinga team pakhat enkawl rei ber Ronnie McFall chu kum 29 hnuah a club enkawl Portadown FC chu a chhuahsan.

Kum 69-a upa manager hian Sir Alex Ferguson-a'n Manchester United a enkawl aṭanga kar ruknaah kum 1986 khan Irish club hi a enkawl ṭan a, Inrinni zan khan Irish Cup-ah rin loh taka Lurgan Celtic an hneh loh hnuah banna a thehlut ta a ni.

McFall hian kum 1990 khan Portadown club chanchina a vawi khat nan league title a chawipui a, 1991, 1996 leh 2002 khan league nomawi chawi leh bawkin kum 29 chhungin inelna hrang hrangah nomawi 20 an khaw club hi a chawipui hman.

Arsenal manager Arsene Wenger chu coach hna chelh mek zinga Europe-a club enkawl rei ber a ni ta a, French manager hian English club hi kum 19 chhung a enkawl tawh.