Final-ah hockey team chak lo

NE Games hockey inelnaah mipa leh hmeichhe team-in final an lut ve ve mah se gold medal an la pha lo ve ve.

Mizoram mipa team hian semifinal-ah Assam an hneh a, final-ah Manipur nen first half-ah 2-2 in hnehtawk mah se hun a tawp meuh chuan 6-2 in chak lo.

Hmeichhe inlenaah hian state pathum an tel a, Mizoramin match hmasa berah Manipur 6-2 in hneh lo mah se Assam 6-0 a an hneh avangin final an lut. Final-ah Mizoram team hian hma an sawn hret a, Manipur lakah 4-0 a chak loin gold medal an la pha ta lo.

Hockey Mizoram joint secretary Lalruatkimi chuan, "Mizoram hian phai lama kan player awmte kan chhawr vek thei lo a, Manipur erawh an kim lai tak a nih avangin kan tluk pha lo deuh a ni. Chutihrualin kan khelh danah erawh kan lungawi a, Mizoram hi hockey-ah hma a sawn chho mek a ni," tiin Vanglaini palai a hrilh.