Football final-ah penalty-ah vanduai

NE Games-ah Mizoram football team-in gold medal an hawn thei lo - nimin zinga mipa final khelhah Nagaland-in Mizoram hi penalty-ah 5-4 in an hneh.

Final-ah Mizoramin bul an ṭan ṭha a, minute 15-na lekah Rochhingpuia hmangin hma an hruai a, goal khung belhna hun ṭha nei mah se an khung belh thei lo. Second half-ah Mizoram game a tlahniam a, minute kua chiah a awm tawhin vanduai takin penalty an chawi a, Nagaland-in an si phurh an sut a, penalty shootout-ah an chak lo zui bawk.

Mizoram coach Lal-sang-zuala Hmar chuan, "Kan lama goal an rawn khung hnuah penalty hmu leh tur kan ni a, referee-in penalty spot kawk vek tawh mah se assistant referee-in offiside a lo phar tlat avangin pek kan ni lo. Kei-ni chuan theihtawp kan chhuah a, Pathianin min dahnaah kan lungawi a ngai a ni," tiin referee thu-tluknaah an lawm loh thu a sawi.

Mizoram mipa foot-ball team-in silver medal an la a, hmeichhe team erawh group stage-ah an tla thung. Coach K.Sangkhumi kaihhruai tema hian an match hmasa berah Nagaland 2-0 in an hneh lo a, Meghalaya 2-1 a an hneh loh zui avangin semifinal an thleng zo lo.