A chung berah Juventus

Juventus chuan Pathianni zan khan khualmualah Atalanta chu 2-0 in an hneh a, Serie A hmahruaitu an ni leh ta.

Inrinni zan khan Napo-li chuan Chievo hnehin league table hma-hruaitu an ni ve zuai a, mahse match khelh zat inangah Juve hian point 64 hmuin point thumin hma an hruai leh ta rih a ni.

Juve tan hian Andrea Barzagli chuan first half-ah goal khungin Mario Lemina chuan second half-ah goal khat a khung belh bawk a, league match-ah a zawnin match 18 chhung hneh loh nei loin an kal tluang mek a, point 54 hmuh tur awm aṭangin point 52 teh meuh an hmu thei!

Juventus goalkeeper Gianluigi Buffon-a'n Serie A-ah a zawnin minute 836 chhung goal a chhuah tawh lo a, kum 1993/94-a AC Milan keeper Sebastiano Rossi-a'n a record siam minute chhung a zawna 929 clean sheet chu a nih rual ṭep tawh.

Juventus head coach Massimi-liano Allegri chuan, "Tun dinhmun-ah Napoli aiin point thumin kan sang zawk a, mahse keini aiin goal 10 zetin an khung tam zawk, tlarhnung insiam ṭha chunga goal khung lam kan inzir nasat a ngai," tiin a sawi.

Milan chak lo

AC Milan chuan tun hnai Serie A match 12 an khelh aṭanga a vawi khat nan hneh loh an tawng ve ta. Stadio Mapei-ah Sassuolo chuan Alfred Duncan leh Nicola Sansone-te goal khung hmangin 2-0 in an hneh a ni.

Kum 2013 aṭanga Serie A khel
ṭan ve chauh Sassuolo hian beisei phak bakin season an hmang ṭha chho mek a, match 28 khelh tawh aṭanga point 44 hmuin table-ah pasarihna an ni a, Milan nen an inthlauhna chu point thum chiah a ni mek.

Inter an chak

Inter Milan chuan Coppa Italia semifinal-a Juve an hneh loh hnua an match hmasa berah chakni hmel an hmu ve leh a, San Siro-ah an milkhual Palermo chu Adem Ljajic, Mauro Icardi leh Ivan Perisic-te goal khung hmangin 3-1 in an hneh.

Inter hian season thara Cham-pions League khelh an la beisei ngam chhunzawm ve zel a, point 51 hmuin pathumna AS Roma chu point ngain an phak lo mek a ni.