Bengaluru leh East Bengal chak zo lo

Pathianni zan I League-ah champion inbeisei Bengaluru FC leh East Bengal an inlan a, club lian pahnih hian khualmualah hnehna an chang zo lo ve ve.

Bengaluru-in khual-mualah Sporting Goa chu 2-2 in an inhnehtawkpui a, beisei loh takin DSK Shivajians khelmualah East Bengal chu 2-0 in an tlawm bawk.

Fatorda Stadium, Goa-a inkhelah Sporting Goa-in minute 19-na lek-ah goal an khung nghal. Lalchhuanmawia back-pass sual chu Marcus Mascarenhas chuan nang fuhin Mizo tlangval Lal-thuammawia Ralte goal venah mawi takin a pet lut.

Sporting Goa tan Odafa Okolie-a'n minute 38-naah goal khung ve leh mah se minute li hnuah Bengaluru-in penalty an hlawh chhuak a, Sunil Chhetri chuan goal-ah a chantir.

Minute 45-naah pe-nalty chawitu Loveday Enyinnaya chu a yellow card pahnihna avangin hnawhchhuah a ni a, Bengaluru-in minute 67-naah an si phurh an sut zo. Goal dang a luh tawh loh avangin team pahnih hian point an insem a ngai ta a ni.

Bengaluru tan Chhuan-tea leh Thuam-mawia-te'n inkhel bul an ṭan bakah Daniel Lalhlimpuia chu minute 36-naah khelmual chhung-ah tlan luhtir a ni bawk.

Pune khawpuia East Bengal mikhualtu Shi-vajians-in 2-0 in Kolkata club an barakhaih a, Maharashtra club tan hian Douhou Pierre leh Juan Quero-te chuan goal khat ve ve an khung a ni.

DSK tan Lalhma-ngaih-sanga Ralte leh Zohming-liana Ralte-te'n inkhel bul an ṭan a, March 12-a Aizawl FC nena inhmachhawn tur East Bengal tan S. Mal-sawmtluanga chuan inkhel bul a ṭan ve bawk.