Vawiinah Mizoram Vs Services

Mizoramin Santosh Trophy vawi 70-naah beisei tur nei tawh lo mah se an match hnuhnung berah champion lai Services hneh ngei an tum. Services hi Mizo tlangval pahnih Fran-cis Zonuntluanga (Leitan) leh Achhuana Vanchhawng (Ko-lasib) te khelhna a ni.

Mizoram coach HC Zarzo-liana chuan, "Match hmasa berah Railways kan draw a, vanduai takin Maharashtra kan hneh lo zui avangin beisei tur kan nei tawh lo. Chuti chung chuan Mizoram hming ṭhatna humhim turin chak tumin kan khel ang," tiin hun tawp hamrik thlenga theihtawp chhuah an tum thu sawi.

Vawiin tlai dar 3:30 hian SEC Railway Stadium, Nagpur-ah Mizoram leh Services-te an inkhel ang a, University Sta-dium-ah beisei tur nei tawh lo Rail-ways leh Jammu & Kashmir-te an inhmachhawn bawk ang.

Nimin khan Group B inkhelah Goa leh Tamil Nadu-te'n an khingpui ve ve hnehin semifinal an lut. Goa hian 1-0 a Punjab hnehin Tamil Nadu hmaah Bengal chu 1-0 thoin an tlawm bawk.