Damchhung atan Ricco an hrem

Italian cyclist Riccardo Ricco chu damdawi hman phal loh a hmang tih hriatchhuah a ni a, dan a bawhchhiat vang hian a dam chhungin thirsakawr intlansiakna huangah a inlan thei tawh lo ang.

Kum 37 mi Ricco hian 2011 khan dan a bawhchhia tih hriat a ni a, a thil tihsual an hriat chhuah tirhah thla 12 chhung atan hremna an tichhuak - tunah hian hremna a hmang mek. A chanchin chhui chian niin, hremna hi an pek belh a ni.

Ricco hi theihna nei sang tak a ni a, Italy rama cycle intlansiak ngaihhlut Giro d'Italia-ah pawh ṭum thum ngawt pakhatna dinhmun a luah, 2008 khan pahnihna dinhmun a luah bawk.