TFA-in AIFF lakah phuba la

2016 IFA U19 Shield final-ah TATA Foot-ball Academy leh AIFF Academy-te hun pang-ngaiah 2-2 in an inhnehtawk a, extra time-ah TFA an chak.

Pathianni tlaia Mohun Bagan Ground-a inkhelah Baoringdao Bodo chuan minute 31-naah goal hmahruai khung mah se TFA-in minute 44-naa Shubham Ghosh penalty hmangin an sut.

Second half minute 72-naah Shubham Ghosh-a'n TFA goal hnihna a khung a, injury time-ah Jerry Lalrinzuala goal hmangin AIFF Academy-in an sut hram. Bethlehem Veng rawlthar Jerry-a a vanduai zui a, minute 100-naa an lama a tih luh vangin TFA-in hnehna an chang.

I League Under 18 final-ah TFA hian AIFF Academy hi an hneh lo a, phuba lakna remchang an hmuh hmasak ber IFA U19 Shield-ah an hun ṭha neih an hlah lo.