Hull khelmualah Arsenal

Zanin dar 12:30 hian Arsenal chu FA Cup fifth round replay khel turin Hull City khelmual an leng lut dawn. Team pahnihte hi February 20 khan Emirates Stadium-ah goal lut loin an lo inhnehtawk tawh.

Champion lai Arsenal hian FA Cup nomawi hi vawi 12 chawi tawhin khaw-vela knock out football tournamnet upa berah hian record nei ṭha ber an ni mek.

Tun hnaiah Arsenal hian a zawnin inelna hrang hrangah match nga chhung hnehna an chang thei tawh lo a, Hull nen an inhnehtawk hnuah eng team lakah mah hnehna an la chang leh lo a ni.

Gunners hian mid-field-ah Jack Wilshere leh Santi Cazorla-te chu hliam vangin an la chhawr thei dawn lo a, kartawpa Tottenham nen an inhnehtawk ṭuma bench-a hahchawlh tir Theo Walcott leh Joel Camp-bell- te chuan inkhel bul an ṭan beisei a ni.

Arsenal manager Arsene Wenger chuan, "Player hliam leh hrem vangin hruai theih loh tur kan nei nual a, Alex Iwobi chu squad-ah telh a ni ang. David Ospina hi world class goalkeeper a ni a, innghahna tlak a ni bawk. " tiin a sawi.

Pert Cech inhliam vang-in Ospina hian Spurs nena an inhmachhawn ṭumin inkhel bul a ṭan a, point khat an hlawh-chhuah theih nan a thawhhlawk hle.