Peyton Manning a chawl ta

America ramah chuan football hi soccer tih a ni a, football an tih chu American football tiha kan hriat lar hi a ni. American ho mit aṭang chuan Lionel Messi hi infiammi pakhat a ni mai a, Peyton Manning erawh player ropui a ni. Denver Broncos quarterback hian Thawhṭanni khan mittui nen a professional football a chawlhsan tur thu a puang.

Kum 39-a upa Man-ning chuan, "NFL career ka thlir kir hian team chakna turin ka theihna zawng zawng ka chhuah tih hi rinhlelhna tur ka nei lo. Kei aia talent nei ṭha player chu an awm a, kei aia in-puah-chah ṭha ka tawn loh avangin inchhirna tur ka nei lo. Pathian lehkhabu thianghlimah chuan 'Intihsiakna ṭha chu ka zo tawh a, ka tlânna tûrah ka tlân chhuak a, rinna chu ka vawng reng a ni (2 Timothea 4:7)' tih a inziak. Ka theih-na zawng zawng ka chhuahna football intlansiakna chu ka zo ta a, kum 18 hnuah chuan chawlh a hun ta. Pathianin inzavaiin mal-sawm che u sela, Pa-thianin football mal-sawm rawh se," tiin a sawi.