Kum 100 chuang daih football club inhalna Manchester United Vs Liverpool
February 26, 2016 khan Europa League last 16 draw neih a ni a, Manchester United leh Liverpool-te chu inhmachhawn tura pawh fuh an ni. English club zinga inhal ber ang hiala chhal ngam club ropui pahnih hi European competitition-a an la intum ngai loh avangin March 10 (Anfield) leh March 17 (Old Trafford) a an inkhel tur vang hian supporter-te an phur nghal a, a ruhkawl nia inchhalte chuan ṭawngkam pawh an duhtui lo a, inkhelh ṭan hma aṭangin boruak a sang nghal hle.
A tlai mah mah
Inkhelh ṭan hun pangngai hi anni hunah chuan zan dar 8:05 (1:35 AM, IST) ni mah se Old Trafford-a second leg an khelh hunah chuan zan dar 6:00-a (11:30 PM, IST) sawn hma a ni. An sawn chhan hi engdang vang a ni lo, supporter-ten stadium an thlen hmaa inkhel en tur a awm lawk loh chuan buaina a chhuah an hlauh vang a ni.
Premier League-a an dinhmun a ṭhat loh vangin United leh Reds tan Europa League champion hi Champions League khelh theihna ticket awlsam ber a nih avangin club pahnih tan inkhel pawimawh a ni. Liverpool legend Jamie Carragher chuan, "Kan chak a nih chuan club chhungah hlimna leh lawmna a rawn kir ang a, kan chak loh chuan LVG-a'n a hna a chelh zel ang," tiin inkhel hlut dan a sawifiah thiam hle.
Thawnthu hlui chu
Manchester leh Liverpool hi England hmarthlang lama awm an ni a, khaw inkar hi 56 km lek a ni. Football club din hma rengin khaw pahnih hi ei leh bar lama hmasawnna kawngah an lo in el tawh a, kum zabi 18 lai vel kha chuan Manchester hi England hmar lam aiawhtu an ni. Amaherawhchu lawng chawlhna hmun an neih ṭhat chhawr ṭangkaiin Liverpool lamin kum zabi 19 tawp lam leh zabi 20-na tir lamah chuan Manchester hi an khum chho a, kumpinu rorelna hnuaia khawpui pahnihna ang hiala sawi a ni.
Manchester khaw sumdawngte bul tumin Manchester Ship Canal siam a ni a, tui kawng hi Manchester leh Irish tuipui zawmtu niin sumdawnna nghawng thei a ni. Livepool politician-te chuan nasa takin an do a, khaw pahnih inkar boruak a ṭhat loh phah hle. Kum 1984-ah Manchester Ship Canal zawh a ni a, Liverpool lawng chawlhna hnathawkte leh Manchester khuaa inhlawhfate inkar boruakin a vawrtawp a thleng zui a, hemi hnu thla thumah hian Liverpool leh Newton Heath (Manchester United hming hmasa) te chu a vawi khatna atan an intawng a, a inṭan chhoh danin a zir bawk avangin tun thlenga an inhal hi a mak lo!
Manchester United FC hi kum 1878 khan Newton Heath LYR FC tih hming puin an din a, inelna a an tel hmasak ber chu October 1886 daih niin 1886-87 season khan FA Cup first round-ah an inlan. Liverpool FC erawh Everton board leh club president John Houlding-te inhmuhthiam loh vangin 1892-ah din a ni thung. Everton-in Anfield chhuahsanin Goodison Park an pan a, Houlding-a'n stadium ruak hmang ṭangkai turin Liverpool FC a din thung.
Liverpool hian second division aṭanga bul ṭanin kum khatnaah season tluanin hneh loh an tawng lo. Blackburn khelmual Edwood Park-ah Reds hian Newton Heath nen playoff an khel a, 2-0 a chakin first division-ah an inhlangkai a, an intawnna hmasa bera chak loh vangin Newton Heath erawh second division-ah an tla thla thung.
Reds captain Busby
Scottish right half Alexander Matthew Busby-a'n hlawhtling taka Manchester City tan a khelh hnuah Liverpool tan vawi 115 zet a inlan a, captain armband thlengin a hreng nghe nghe. Player ṭha zinga chher tel phak Matt Busby hian football khelh a chawlhsan hnuin Reds hmelma United a enkawl a, Premier League-ah vawi nga champion puiin FA Cup nomawi vawi hnih a chawi a, European Cup-ah a champion pui bawk. Scottish manager hian United-a record a neih
ṭhat vangin knighthood pek a ni a, United siam liantu pawimawh hi Liverpool captain hlui a ni.
Busby hian Liverpool ṭantu ruhkawl Kop chet dan erawh United-a manager hna kum 11 a thawh hnuah pawh a fak tho a, kum 1957 khan, "Liverpool jersey sen ha tawh chauhin goal khung tura nawr laia Kop supporter-te hlutna an hrethiam pha ang," tiin a ziak. Amaherawhchu Busby hian Manchester United a zawm avangin Liverpool board an lung ni lo a, club-in a farewell exhibition game an buatsaihah pawh a tel ve phalsak a ni lo.
Coach ropui Shankly
Ngaihtuah tel theih tak chu Liverpool manager George Kay kha Don Welsh ni loin Busby-a'n thlak zawk se kum 1959 khan Bill Shankly tan Reds-ah manager hna ruak a awm kher lo ang. Chuvangin Busby-a'n United a zawm hi Liverpool tan lawmna a ni thei a, an club history-a manager ropui bera chhal ngam Shankly an neih theihna chhan pakhat a ni.
November 1959 khan Shankly hi Huddersfield Town a enkawl laiin inkhelh banah Liverpool chairman Tom Williams leh director Harry Latham-te'n an dawr a, Reds hruaitute chuan, "Kan ram chhunga club ṭha ber enkawl i duh em?" tiin an zawt a, Scottish manager chuan, "Matt Busby a bang dawn em ni?" tiin hriat nuam lo takin chhang mah se ni rei lote hnuah Liverpool manager a nih thu puan a ni.
Shankly hian a thu thiamna leh result hmangin Kop-te rilru a hneh a, Reds hi First Division-ah vawi thum champion puiin FA Cup-ah vawi hnih a champion pui a, UEFA Cup-ah a champion pui bawk.
Fergie a ṭawng pawr
Liverpool leh Manchester United inhalna tilang chiangtu leh chu September 2002-a Sir Alex Ferguson-a ṭawngkam kha a ni awm e. Liverpool hian 1990-ah league title 18-na an la a, kum thum hnuah Fergie-a'n United chu Premier League title hmasa ber lak pui mah se Red Devils hian an hmelma hi nomawi chawi kawngah an pha lo hle.
Kum 2002-ah Arsenal an champion a, 2002-03 season an khel ṭan chauh tihin United-in Arsenal hi point ruk laiin an pha tawh lo. Football expert lar Alan Hansen chuan, "Chona i hmachhawn tawha hau tak ber a ni em?" tiin Ferguson a zawt a, United manager chuan rang fahranin, "Ka tana chona lian ber chu Liverpool hi an awmna ler aṭanga pet thlak a ni. I duh chuan in ziak lang dawn nia," tiin rum takin a chhang a, Arsenal chu Liverpool nena khaikhin tlakah a ruat lo.
Scottish manager Alex hian 2008-09 season-ah Liverpool record nih rualin United chu league-ah a vawi 18 nan a champion pui a, 2010-11 season-ah United-in Reds record an khum a, 2012-13 season zawha Ferguson-a'n manager hna a chawlhsan meuh chuan United hi league-ah vawi 20 an champion tawh a, Liverpool erawh vawi 18-ah an la tang reng a, Premier League-ah an la champion ve lo.
Captain fantastic Gerrard
Premier League champion loh vangin Liverpool captain ropui Steven Gerrard-a'n nuihzat a hlawh ṭhin a, amaherawhchu English midfielder hian kum 2005 khan Reds hi UEFA Champions League-ah a champion pui a, mimal thawhrah ni lo mah se player mal anga chhut chuan a thawh hlawk fal hle. Europe club-te tana inelna sang berah hian Liverpool-in nomawi vawi nga an chawi tawh a, United erawh vawi thum chauh an la champion thung.
LA Galaxy a zawm hnuah Gerrard chuan, "Manchester United haw tura zirtir kan ni. Liverpool fan-te thluak hi sukin a awm a, kan thinlung zawng zawngin club kan hmangaih a, United chunga kan rilru put hmang tur hi kan hre chiang em em a ni. Manchester leh Liverpool hi club mai bakah a khua ang zawng pawhin kan inhal a, kan inhuatna hi a thuk tulh tulh bawk," tiin United a mil lo tih a zep hranpa lo.
Liverpool legend chuan United a huat zia sawi belhin, "Hun rei tak chhung Liverpool-in English football kan thunun a, Sir Alex Feguson-a hnuaiah United-in kan chungnunna min chhuhsak a, kum 26 chuang chu anmahni ti chhe turin theihtawp ka chhuah a, anni hi kan hmelma an ni. An jersey reng reng hi kan in a ken luh ka duh lo a, player hrang hrang hi jersey ka thleng pui tawh a, United player erawh ka thleng pui ngai lo," tiin a sawi.
Kop-te ṭan rawn Gerrard hi United ṭantute huat rawn a ni thung. 2009-10 season-ah Manchester United-in champion turin Liverpool puihna an mamawh a, amaherawhchu Reds leh Chelsea inkhelh ṭumin mak takin Steven Gerrard-a'n Blues striker zinga ṭha ber Didier Drgoba a pass a, Ivorian striker hian a pet goal chiang hle. Hemi season hian Carlo Ancelotti enkawl Chelsea an champion a, United-in point khat chauhin an pha lo.
United supporter-ten Gerrard chu Red Devils-in champion tam lama Liverpool an khum a duh loh vangin a tisual luiah an puh a, Reds captain hi an haw zual sawt. Kum 2014 khan Liverpool-in champion theihna hun ṭha tak an nei a, amaherawhchu Gerrard-a tawlh thluk vangin Demba Ba-a'n Chelsea tan a khung a, Blues hi 2-0 in an chak zui bawk. Hemi kum hian United hmelma Manchester City-in Premier League nomawi chawi mah se Red Devils ṭantute chuan Gerrard chetsual vanga Liverpool-in nomawi an chawi lo chu an lawm zawk.
Liverpool leh Manchester United-te hi club inhal tak an ni tih a chiang a, sulhnu ṭha tak an neih avangin an chanchin pawhin ngaihven a hlawh. Tun dinhmunah Europe-a club ṭha ber chu sawi loh Premier League champion thei tura rinawm zingah pawh tel pha lo mah se an inhalna hi kum 100 chuanga upa a nih tawh avangin an inhmachhawnna tur hi Europa League pawh ni se Champions League match tam zawk aiin ngaihven a hlawh ang.
February 26, 2016 khan Europa League last 16 draw neih a ni a, Manchester United leh Liverpool-te chu inhmachhawn tura pawh fuh an ni. English club zinga inhal ber ang hiala chhal ngam club ropui pahnih hi European competitition-a an la intum ngai loh avangin March 10 (Anfield) leh March 17 (Old Trafford) a an inkhel tur vang hian supporter-te an phur nghal a, a ruhkawl nia inchhalte chuan ṭawngkam pawh an duhtui lo a, inkhelh ṭan hma aṭangin boruak a sang nghal hle.
A tlai mah mah
Inkhelh ṭan hun pangngai hi anni hunah chuan zan dar 8:05 (1:35 AM, IST) ni mah se Old Trafford-a second leg an khelh hunah chuan zan dar 6:00-a (11:30 PM, IST) sawn hma a ni. An sawn chhan hi engdang vang a ni lo, supporter-ten stadium an thlen hmaa inkhel en tur a awm lawk loh chuan buaina a chhuah an hlauh vang a ni.
Premier League-a an dinhmun a ṭhat loh vangin United leh Reds tan Europa League champion hi Champions League khelh theihna ticket awlsam ber a nih avangin club pahnih tan inkhel pawimawh a ni. Liverpool legend Jamie Carragher chuan, "Kan chak a nih chuan club chhungah hlimna leh lawmna a rawn kir ang a, kan chak loh chuan LVG-a'n a hna a chelh zel ang," tiin inkhel hlut dan a sawifiah thiam hle.
Thawnthu hlui chu
Manchester leh Liverpool hi England hmarthlang lama awm an ni a, khaw inkar hi 56 km lek a ni. Football club din hma rengin khaw pahnih hi ei leh bar lama hmasawnna kawngah an lo in el tawh a, kum zabi 18 lai vel kha chuan Manchester hi England hmar lam aiawhtu an ni. Amaherawhchu lawng chawlhna hmun an neih ṭhat chhawr ṭangkaiin Liverpool lamin kum zabi 19 tawp lam leh zabi 20-na tir lamah chuan Manchester hi an khum chho a, kumpinu rorelna hnuaia khawpui pahnihna ang hiala sawi a ni.
Manchester khaw sumdawngte bul tumin Manchester Ship Canal siam a ni a, tui kawng hi Manchester leh Irish tuipui zawmtu niin sumdawnna nghawng thei a ni. Livepool politician-te chuan nasa takin an do a, khaw pahnih inkar boruak a ṭhat loh phah hle. Kum 1984-ah Manchester Ship Canal zawh a ni a, Liverpool lawng chawlhna hnathawkte leh Manchester khuaa inhlawhfate inkar boruakin a vawrtawp a thleng zui a, hemi hnu thla thumah hian Liverpool leh Newton Heath (Manchester United hming hmasa) te chu a vawi khatna atan an intawng a, a inṭan chhoh danin a zir bawk avangin tun thlenga an inhal hi a mak lo!
Manchester United FC hi kum 1878 khan Newton Heath LYR FC tih hming puin an din a, inelna a an tel hmasak ber chu October 1886 daih niin 1886-87 season khan FA Cup first round-ah an inlan. Liverpool FC erawh Everton board leh club president John Houlding-te inhmuhthiam loh vangin 1892-ah din a ni thung. Everton-in Anfield chhuahsanin Goodison Park an pan a, Houlding-a'n stadium ruak hmang ṭangkai turin Liverpool FC a din thung.
Liverpool hian second division aṭanga bul ṭanin kum khatnaah season tluanin hneh loh an tawng lo. Blackburn khelmual Edwood Park-ah Reds hian Newton Heath nen playoff an khel a, 2-0 a chakin first division-ah an inhlangkai a, an intawnna hmasa bera chak loh vangin Newton Heath erawh second division-ah an tla thla thung.
Reds captain Busby
Scottish right half Alexander Matthew Busby-a'n hlawhtling taka Manchester City tan a khelh hnuah Liverpool tan vawi 115 zet a inlan a, captain armband thlengin a hreng nghe nghe. Player ṭha zinga chher tel phak Matt Busby hian football khelh a chawlhsan hnuin Reds hmelma United a enkawl a, Premier League-ah vawi nga champion puiin FA Cup nomawi vawi hnih a chawi a, European Cup-ah a champion pui bawk. Scottish manager hian United-a record a neih
ṭhat vangin knighthood pek a ni a, United siam liantu pawimawh hi Liverpool captain hlui a ni.
Busby hian Liverpool ṭantu ruhkawl Kop chet dan erawh United-a manager hna kum 11 a thawh hnuah pawh a fak tho a, kum 1957 khan, "Liverpool jersey sen ha tawh chauhin goal khung tura nawr laia Kop supporter-te hlutna an hrethiam pha ang," tiin a ziak. Amaherawhchu Busby hian Manchester United a zawm avangin Liverpool board an lung ni lo a, club-in a farewell exhibition game an buatsaihah pawh a tel ve phalsak a ni lo.
Coach ropui Shankly
Ngaihtuah tel theih tak chu Liverpool manager George Kay kha Don Welsh ni loin Busby-a'n thlak zawk se kum 1959 khan Bill Shankly tan Reds-ah manager hna ruak a awm kher lo ang. Chuvangin Busby-a'n United a zawm hi Liverpool tan lawmna a ni thei a, an club history-a manager ropui bera chhal ngam Shankly an neih theihna chhan pakhat a ni.
November 1959 khan Shankly hi Huddersfield Town a enkawl laiin inkhelh banah Liverpool chairman Tom Williams leh director Harry Latham-te'n an dawr a, Reds hruaitute chuan, "Kan ram chhunga club ṭha ber enkawl i duh em?" tiin an zawt a, Scottish manager chuan, "Matt Busby a bang dawn em ni?" tiin hriat nuam lo takin chhang mah se ni rei lote hnuah Liverpool manager a nih thu puan a ni.
Shankly hian a thu thiamna leh result hmangin Kop-te rilru a hneh a, Reds hi First Division-ah vawi thum champion puiin FA Cup-ah vawi hnih a champion pui a, UEFA Cup-ah a champion pui bawk.
Fergie a ṭawng pawr
Liverpool leh Manchester United inhalna tilang chiangtu leh chu September 2002-a Sir Alex Ferguson-a ṭawngkam kha a ni awm e. Liverpool hian 1990-ah league title 18-na an la a, kum thum hnuah Fergie-a'n United chu Premier League title hmasa ber lak pui mah se Red Devils hian an hmelma hi nomawi chawi kawngah an pha lo hle.
Kum 2002-ah Arsenal an champion a, 2002-03 season an khel ṭan chauh tihin United-in Arsenal hi point ruk laiin an pha tawh lo. Football expert lar Alan Hansen chuan, "Chona i hmachhawn tawha hau tak ber a ni em?" tiin Ferguson a zawt a, United manager chuan rang fahranin, "Ka tana chona lian ber chu Liverpool hi an awmna ler aṭanga pet thlak a ni. I duh chuan in ziak lang dawn nia," tiin rum takin a chhang a, Arsenal chu Liverpool nena khaikhin tlakah a ruat lo.
Scottish manager Alex hian 2008-09 season-ah Liverpool record nih rualin United chu league-ah a vawi 18 nan a champion pui a, 2010-11 season-ah United-in Reds record an khum a, 2012-13 season zawha Ferguson-a'n manager hna a chawlhsan meuh chuan United hi league-ah vawi 20 an champion tawh a, Liverpool erawh vawi 18-ah an la tang reng a, Premier League-ah an la champion ve lo.
Captain fantastic Gerrard
Premier League champion loh vangin Liverpool captain ropui Steven Gerrard-a'n nuihzat a hlawh ṭhin a, amaherawhchu English midfielder hian kum 2005 khan Reds hi UEFA Champions League-ah a champion pui a, mimal thawhrah ni lo mah se player mal anga chhut chuan a thawh hlawk fal hle. Europe club-te tana inelna sang berah hian Liverpool-in nomawi vawi nga an chawi tawh a, United erawh vawi thum chauh an la champion thung.
LA Galaxy a zawm hnuah Gerrard chuan, "Manchester United haw tura zirtir kan ni. Liverpool fan-te thluak hi sukin a awm a, kan thinlung zawng zawngin club kan hmangaih a, United chunga kan rilru put hmang tur hi kan hre chiang em em a ni. Manchester leh Liverpool hi club mai bakah a khua ang zawng pawhin kan inhal a, kan inhuatna hi a thuk tulh tulh bawk," tiin United a mil lo tih a zep hranpa lo.
Liverpool legend chuan United a huat zia sawi belhin, "Hun rei tak chhung Liverpool-in English football kan thunun a, Sir Alex Feguson-a hnuaiah United-in kan chungnunna min chhuhsak a, kum 26 chuang chu anmahni ti chhe turin theihtawp ka chhuah a, anni hi kan hmelma an ni. An jersey reng reng hi kan in a ken luh ka duh lo a, player hrang hrang hi jersey ka thleng pui tawh a, United player erawh ka thleng pui ngai lo," tiin a sawi.
Kop-te ṭan rawn Gerrard hi United ṭantute huat rawn a ni thung. 2009-10 season-ah Manchester United-in champion turin Liverpool puihna an mamawh a, amaherawhchu Reds leh Chelsea inkhelh ṭumin mak takin Steven Gerrard-a'n Blues striker zinga ṭha ber Didier Drgoba a pass a, Ivorian striker hian a pet goal chiang hle. Hemi season hian Carlo Ancelotti enkawl Chelsea an champion a, United-in point khat chauhin an pha lo.
United supporter-ten Gerrard chu Red Devils-in champion tam lama Liverpool an khum a duh loh vangin a tisual luiah an puh a, Reds captain hi an haw zual sawt. Kum 2014 khan Liverpool-in champion theihna hun ṭha tak an nei a, amaherawhchu Gerrard-a tawlh thluk vangin Demba Ba-a'n Chelsea tan a khung a, Blues hi 2-0 in an chak zui bawk. Hemi kum hian United hmelma Manchester City-in Premier League nomawi chawi mah se Red Devils ṭantute chuan Gerrard chetsual vanga Liverpool-in nomawi an chawi lo chu an lawm zawk.
Liverpool leh Manchester United-te hi club inhal tak an ni tih a chiang a, sulhnu ṭha tak an neih avangin an chanchin pawhin ngaihven a hlawh. Tun dinhmunah Europe-a club ṭha ber chu sawi loh Premier League champion thei tura rinawm zingah pawh tel pha lo mah se an inhalna hi kum 100 chuanga upa a nih tawh avangin an inhmachhawnna tur hi Europa League pawh ni se Champions League match tam zawk aiin ngaihven a hlawh ang.