Sampingiraj-a season a tawp

Bengaluru FC mifielder Shankar Sampingiraj chu hliam vangin tun season I League inkhelah a hmel kan hmu tawh dawn lo.

Kum 21-a upa Sam-pingiraj hi kar hmasa a Shil-long Lajong nen an inkhelh ṭumin a khup a hliam a ni. Karnataka player hi Indian Super League (ISL)- season hnihnaah khan Kerala Blasters tan a inlan ve a, tun season I league-ah Blues tan match sarih a khel tawh bawk.

Bungaluru FC coach Ashley West-wood chuan, "Shankar hi tun season chhung kan chhawr thei dawn tawh lo a, ani bakah hian Curtis Osano pawh ṭhâl na vangin enkawl mek a ni," tiin a sawi.

Tun season I League khelh mekah Bengaluru hian match 11 khelh tawh aṭanga point 22 hmuin table-ah pahnih-na dinhmun an luah mek a, an mahni aia match khata khel tlem zawk chunga hmahruaitu ni thei Mohun Bagan nen an point hmuh zat a in ang mek a ni.