Guidolin-a'n damdawi-in chhuahsan

Swansea City head coach Francesco Guidolin chuan damdawi-in a chhuhsan tawh a, tun kar chhung hian a hna a zawm leh thei tura beisei a ni.

Kum 60-a upa Gui-dolin hi kar hmasa a Arsenal nen an inkhelh dawn darkar khat chauh a awm tawh tihah thawk lamah harsatna a neih vangin damdawi-inah hruai a ni a, kar tawpa Nor-wich nen an inkhelh ṭum pawh khan first-team coach Alan Curtis chuan a ai a lo awh tawh bawk.

Swansea chuan thu-chhuah siamin, "Francesco Guidolin chuan ṭha takin damdawi-in a chhuahsan tawh a, tun kar chhung hian hna a thawh leh theih tawh kan beisei," an ti.

Arsenal leh Norwich City an hneh zawn hnuah Swansea hian relegation zone chu point kua zetin an kalsan rih a, Inrinni hian Bournemouth khelmual Vitality Stadium-ah an leng lut dawn a ni.