Vallecano hnehtu Espanyol

Spanish La Liga-ah Barcelona, Atletico Madrid leh Real Madrid ten a chung lamah ro an rel mek laiin table mawng lamah relegation battle hmuhnawm tak tak a awm ve zel a, Thawhṭanni zan khan Espanyol chuan an mikhual Vallecano chu 2-1 in an hneh hram.

Cornella-El Prat-a inkhelah Espanyol hian Abraham Gonzalez goal khung hmangin hma hruai mah se Bebe chuan second half-ah an si phurh a sut. Substitute Hernan Perez chuan hun tawp dawnah chakna goal a khung.

He inkhel result avang hian Espanyol chuan point 31 hmuin league table-ah 14-naah an inhlangkai a, mah se 18-na Granada nen an inthlauhna chu point nga chiah a ni. Chak lo zawk Vallecano erawhin point 26 chauh la khawl khawm vein relagation zone chu goal difference hmang chauhin an chhuahsan rih a ni.