Golden State Warriors-in Magic hneh

Golden State Warriors chuan nimin zing khan Orlando Magic chu 119- 113 in an hneh a, NBA season kal mekah Western Conference lamah hmahruaitu an nih chhunzawm zel.

Warriors hian an match hnuhnung zawkah Los Angeles Lakers chu 112-95 in an hneh lo a, league champion lai an chak loh ni hian star player Stephen Curry-a'n nidang a phak lo a, point 18 chauh score-in a team a chakpui zo lo.

Mahse, Thawhlehni zinga inkhelah erawh Warriors hian champion zia chhuahin hnehna an chang leh ta. Curry-a'n point 41 lai score lehin Klay Thompson chuan point 27 a thawh ve bawk. Tun season-ah match 56 hnehna an channa chiah niin vawi ruk chiah chak loh an la nei.

MVP Curry chuan, "A chang chuan kan ṭhat dan bera kan khelh chhuah theih loh chang a awm a, chutih hunah chuan harsa tak pawha hnehna chan theih dan kan thiam tel a ṭul," tiin a sawi.