Ka thiam loh a ni - Mata

Manchester United midfielder Juan Mata chuan Pathiannia West Brom an hneh loh ṭuma a red card hmuh chu ama thiam loh a nih thu a sawi.

Spanish midfielder Mata chuan, "Hmu lo thei ka ni a, ka thiam loh a a ni. Kan tan chuan thil thar a ni a, hriat thiam har tak ni mah se thil engkim
aṭangin inzirna tur a awm ṭhin. Hreawm ka tih ber erawh player 10-a khel ka team-te tuar hmel hmuh kha a ni," tiin a inthiam loh thu a sawi.

Kum 26-a upa Juan Mata hian Pathianni zana West Ham nen FA Cup quarterfinal an khelh hunah a inlan thei dawn lo a, Ningani zana Liverpool nen Europa League last 16 an khelh hunah erawh manager Louis van Gaal-a thlan theih tur zingah a tel thung ang.