Inelna a la tawp lo - Wenger

Arsenal boss Arsene Wenger chuan Premier League nomawi inchuh a inumna chu a la tawp lo a, a vawr tawp a thlen dawn chauh thu leh a tawp thlenga an beih tur thu a sawi.

Gunners hian tun hnai an league match pathuma point kaw hmuh theihna aṭangin point riat ngawt an hloh a, Manchester United leh Swansea an hneh loh bakah Inrinni zan khan Tottenham nen 2-2 in an inhnehtawk.

Kum 66-a upa Wen-ger chuan, "Tun season league match-ah Leicester vawi hnih kan hneh tawh a, kan hna kan tlin hle. Premier League nomawi inchuhna hi a la tawp loh avangin keini chuan a tawp thlengin kan bei dawn," tiin beisei a la nei sang hle.

French manager Wenger hian Gunners hi kum 20 chhung a enkawl tawh a, tun dinhmunah Premier League manager-te zingah ani aia hna ngai thawk rei an awm lo.

Zawhna chhangin Wen-ger chuan, "Midang ngaihdan vanga buai tur a ni lo a, engtik niah emaw chuan nang leh kei min thlak tur hi chu an lo lang mai ang. He club tan hian ka theihna leh thiamna zawng zawng ka seng a, a sang thei ang ber thlen pui ka tum a ni," tiin a sawi.