City-ah ka ṭha zawk : Raheem Sterling

Manchester City win--ger Raheem Sterling chuan tun season-ah Li-ver-pool-a a khelh lai aia a khelh ṭhat zawk thu sawiin season hmasaa Reds tana a khelh dan aiin City tana a khelh dan chu a ṭhat zawk thu a sawi.

Liverpool winger hlui hian tun season-ah City tan inelna hrang hrangah goal 11 a khung tawh a, season hmasaa Reds tan goal 11 a khung nen a inzat tawh.

England international chuan, "Match 10 lai league-ah khelh tur kan la nei chungin goal 11 ka khung tawh a, season hma-saa Reds tan inelna hrang hranga goal ka khung nen a inzat tawh reng a ni. Mahse, ka goal khung zat tura keimah leh keimah ka inbituk zat chu ka goal khung hian a la phak lo hle a ni," a ti.

Hetihlai hian kum 21-a upa winger chuan a hmasawnna kawngah nasa takin Sergio Aguero chuan a puih thu sawiin Aregntine striker bula a khel chu a hlawkpui thu a sawi.