Sri Lanka selector zingah Sangakkara

Twenty20 World Cup-a an match hmasa ber khel turin Sri Lanka-in ni rei lote chauh mamawh tawh mah se an ram sports minister Dayasiri Jayasekara chuan selector board member panga awmna a ruat thar a, a ruat thar zingah hian Sri Lanka captain hlui Kumar Sangakkara pawh a tel.

Sri Lanka cricket team selector board tharah hian an ram chanchina batsman ṭha ber pawl ni ang hiala an sawi Aravinda de Silva chu hotupa ber a ni dawn. Member dang pathum hi Sri Lanka wicket-keeper hlui leh Malaysia coach hlui Romesh Kalu-witharana, Sri Lanka offspinner ṭhin Ranjith Madurasinghe leh Lalith Kaluperuma-te an ni.