Relegation Battle-Zaninah chak la nei lo - BCA Vs Ryders

Mizoram Super League Season 2-ah Zar-kawt BCA-in match hnih an khelh tawh aṭangin chak result an la nei thei lo a, anmahni ang thoa chak hmel la hmu lo Chaltlang Ryders nen zanin dar 8:00 hian Hawla Indoor Stadium, Republic Vengthlangah an inhmachhawn dawn.

Chak mamawh

Zarkawt BCA hian an match hmasa bera Tui-kual South (78-73) an hneh loh hnuah Mission Veng Vikings (84-76) an hneh lo leh a, MSL finalist leh Marova Memorial Basketball champion hian chak an la neih loh avangin relegation battle-ah an hming a lan a ṭul.

BCA tan season hmasa league round-a point 86 score thei point guard Michael F. Lalawmpuia a la che ṭha tawk lo a, Ramhlun North tlangval zaninah tun season-a an innghahna Matthew Remtluanga Sailo tan ball ṭha zawk a pek a ṭul ang.

Chaltlang Ryders hian MSL1-ah vawi khat chiah hnehna an chang thei a, tun season-ah match thum khel tawhin Khatla TBL, Zarkawt Serpents leh Tuikual South an hneh lo tawh. Anni hian zanina hnehna an chang lo leh a nih chuan MSL2 semifinal khelh an inbeisei ngam tawh lo ang.

Ryders hian state pawn player pahnih Vi-shal Kumar Gupta leh Rachit an kawl a, anni hian an beisei ang result la neih pui thei lo. Zanin hian Serpents laka point 18 score thei power for-ward Rachit a chet ṭhat zual a ngai tawh.

Chaltlang Ryders lam hian dam lohna vang-in point guard Lalhming-liana leh Anggu te an chhawr thei dawn lo a, BCA lam hian hrem vang-in Paul Vanlalnghaka leh Lalṭanpuia an chhawr thei lo bawk ang.

Eng nge an sawi?

Chaltlang Ryders coach Peter Lalrintluanga chuan, "Kan result a ṭhat avangin fan pawh kan nei ṭha tawk tawh lo a, zanin hi inkhel pawimawh a nih tawh avangin min
ṭantute zawng zawng min ṭawiawm turin kan sawm. Thi leh dam kara leng kan nih tawh avangin zanin hian kan theihna zawng zawngin kan bei ang," tiin Vanglaini palai a hrilh.

Mipui barakhaih an tum thu Vanglaini palai hnehnah sawi-in BCA manager Malsawm-tluanga chuan, "Kan team game ang tak tak kan la khel chhuak thei lo a, tunah hian kan chetsual tawhna match pahnih
aṭanga inzirin chak ngei kan tum tawh. Player-ten inrintawkna an la hlauh lo a, Ryders lakah hian BCA tak tak lan tir kan tum a, mipui kan barakhaih dawn," tiin a sawi.