Tamil Nadu chak chiang

Nagpur khawpuia Santosh Trophy khelh mek chu group stage khelh zawh a ni ta a, Group B-ah Tamil Nadu chuan 5-0 a Punjab sawpin group hmahruaitu an ni.

Beisei nei tawh lo tur pahnih inkhelah West Bengal chuan 5-1 in Assam an sawp bawk a, semifinal inhlangkai zo lo mah se ṭha takin Santosh Trophy hnu an khar.

Semifinal hi Zirtawpni khian khelh a ni ang a, semifinal-ah hian Group A hmahruaitu Maharashtra leh Group B pahnihna Goa inhmachhawnin Group B pakhatna Tamil Nadu chuan final luh tumin Group A pahnihna Services an hmachhawn thung ang.