Sharapova hi a huaisen - Williams

World number 1 Serena Williams chuan Maria Sharovapa-i'n a tih dik loh amah ngeiin a puang chuak ngam chu huaisen a tih thu leh amah a barakhaih thu a sawi chhuak.

Russian star Shara-pova hian Thawhṭanni khan Los Angeles-a ho-tel pakhatah thuthar thehdarhtute kawmin kumin January 1 aṭanga World Anti-Doping Agency ten infiammite tana hman phah loh damdawi chi khat meldonium a hman ngei thu a puang a ni.

Kum 34-a upa Wil-liams chuan, "Khatiang thil a thleng kha mak ka tiin min barakhaih em em a, mahse amah ngeiin huaisen taka midang mawpuh buai loa a thiam loh leh a tih dik loh zia a puang hian a huaisen zia a ti lang. Hetiang tho hian khawvela mi zawng zawng hian an thil tihah mawh an phur ngam tur a ni," a ti.

Kumin Grand Slam hmasa ber January thla a khelh zawh tak Aus-tralian Open-ah khan Shara-pova leh Williams te hi quarterfinal-ah an inhmachhawn a, major title panga la tawh Sharapova hi chak lo zawkah ṭangin a dinhmun hi enfiah zui a ni a, a rah chhuah chu a lo lang ta a ni.

International Tennis Federation chuan Sha-rapova hi March 12
aṭang hian an hrem lai lawk dawn a, hremna a hmachhawn dan tur tak hi la chiang chiah lo mah se kum li thleng hrem theih a nih avangin kum 29 tling mai tawh tur Maria tan a tennis khawvela a tawp tlukah a ngaih theih.